Musika - Quédate en casa

Monografiko berezia Radio Clásica irratian: Beethoven 250

RTVEko Radio Clásica irratiak aurrea hartu dio konpositore ospetsuaren jaiotegunaren 250. urteurrenari (2020 abenduaren 16an izanen baita), eta haren omenezko kontzertuak eginen ditu.

Roberto Mendèsek aurkeztutako Programa de Mano saioan, Beethoven izanen da protagonista asteazkenero. Hasteko, orkestra eta bakarlari ospetsuek emandako kontzertu historikoak ikusten ahalko dira. 
 

Visitar el sitio recomendado

Ezagutu musika klasikoko medici.tv kanala

Medici.tv Interneteko musika klasikoko plataforma bat da, bideo bidezkoa. Urtean 150 ekitaldi baino gehiago ematen ditu, orkestra eta kontzertu areto ospetsuen eta munduko jaialdi eta lehiaketen laguntzaz. Hona hemen horietako batzuk: Berlingo Orkestra Filarmonikoa, Londresko Orkestra Sinfonikoa, Mariinski Antzokiko Orkestra Sinfonikoa edo New Yorkeko Orkestra Filarmonikoa.

2.000 saio baino gehiago ditu, guztira 3.000 obra musikal baino gehiago biltzen dituztenak: kontzertuak eta kontzertuen artxibategia, operak, ballet klasikoak eta garaikideak, dokumentalak, artisten profilak, hezkuntza arloko saioak, kameren atzeko irudiak eta maisu eskolak.

Nazioarteko plataforma hau gailu guztietan jar dezakezu. medici.tv gailu guztietan dabil: ordenagailuan, telefono adimendunean edo tabletan (iOS eta Android), eta telebistan, AirPlay eta Google Chromecasten bidez. Plataforma frantsesez, ingelesez eta gaztelaniaz dago.
 

Visitar el sitio recomendado